Siki Martina komo mucha e mester a hui bin Kòrsou pa evitá ku lo likidé

ROTTERDAM. Ayera tabata un dia ku a habri i sera ku asesinato na Rotterdam despues ku den oranan di antayera nochi e notisia a sirkulá ku un deskonosido a asesina Martina na stashon di metro Coolhaven na Rotterdam.
Siki Martina lanta den Rotterdam-IJsselmonde i den un entrevista ku AD aña pasá ela konta ku e ta kòrda klaramente riba e temporada di su hubentut kon e tabata mira e atrakonan, tiroteo i hinkamentunan den mondi di Ijsselmonde.
Komo mucha ela lanta den un ambiente kriminal, Su bisiña tabata den mundu kriminal i dimes e tambe tabata aden.
Den pasado e tabata envolvi den un ‘ripdeal’ pa droga i mester a kore pa su bida pasobra tabatin un tipo ta zwai ku un arma di kandela.
Djei ela pasa un pasá bai serka su tata pe bin Kòrsou pasobra si ela keda Ulanda den e temporada ei, e lo a kaba malu.
Siki Martina tabata aktivo den mundu musikal i farandulero na Ulanda i a traha ku varios artista famoso na Ulanda i Europa i naturalmente tambe ela toka den un brassband.
Riba medianan sosial hopi a ekspresá ku nan no por kere ku a mata Siki. Ela muri laga su kompañera Sarita Lorena atras i dos yu.
E promesa ku ela hasi Siki a desmoroná pasobra nan no por bira bieu huntu.
Te ku ayera nochi polis no a praktiká ningun detenshon.