Sientífikonan na China a diskubrí antikuerpo pa neutralisá variantenan di Covid-19

PEKIN – Sientífikonan di Universidat Médiko di Chongqing i Instituto di Virología na Wuhan a yega konhuntamente na un antikuerpo ku por neutralisá variantenan di Covid-19.
E antikuerpo 58G6 ta neutralisá e vírus di variantenan Delta i Omicron den frakshon di algun minüt.
Sientífikonan Chino di e dos institutonan aki ta trahando riba un Nasal Spray ku lo duna efekto dirèkt riba un persona ku ta infektá ku Covid-19.
Segun e informe ku a keda publiká den e revista Signal Transduction and Targeted Therapy e tèstnan a keda realisá riba hámster. Aparentemente ku un dos hopi abou por a nota ku e hámster no tabatin efekto mas di Covid-19.