Shariëngela Cijntje a resultá Miss Universe Curaçao 2021

Willemstad – Djasabra anochi den Ballroom di Marriott Hotel a tuma lugá sertamen di Miss Universe Curaçao 2021. Ganadó apsoluto a resultá Shariëngela Cijntje, un hòben di 27 aña, elegante i inteligente ku den proksimo dianan lo bai hasi su preparashonnan pa por representá Kòrsou den Miss Universe den luna di Desèmber ku lo tuma lugá e biaha aki na Israel.
Di e ocho partisipantenan; (Shariëngela Cijntje, Giurvienka Seraus, Alexandra Atalita, Shakira Bito, Alvinette Soliana, Tiffany de Freitas Brás, Alvinette Soliana i Cristine Rietwijk), e premio i titulo di promé finalista a bai pa Alexandra Atalita. Na di dos lugá huradonan a skohe Giurvienka Seraus, mientras ku Shariëngela Cijntje ta Kòrsou su flamante miss 2021.