Lokal
Serphos: “Kombati di pobresa mester haña prioridat riba agènda sosial” Stichting Johannes Bosco ta hasi donashon di 100.000 florin na Voedselbank Curaçao
WILLEMSTAD. Stichting Johannes Bosco a presenta un donashon di Naf 100.000 na Voedselbank Curaçao pa aña 2021.
Di e forma akí e fundashon ta oumentá konsiderablemente e suma di Naf 18.000 ku nan a duna Voedselbank den e añanan anterior.
Mester bisa si ku den aña 2020 ya nan a oumentá e suma kaba i a duna Voedselbank Naf 49.500.
David Serphos, direktor interino di Stichting Johannes Bosco: “Banda di su trabounan regular, Voedselbank a hasi un trabou fantástiko durante di e pandemia di Covid i ta hasiendo esei ketu bai. E boluntarionan tambe a hasi un bon trabou. Voedselbank tin un aliado den nos ora ta trata di kombatimentu di pobresa na Kòrsou, un problema ku ta muchu mas grandi di loke vários di nos ta pensa i ku den tempunan di krísis ta sali mas na kla.
Djasabra ultimo Sheryl Losiabaar, presidente di Voedselbank Curaçao ku gratitut a risibí e chèk simbóliko.
“E involvimentu di Stichting Johannes Bosco den nos trabou ta un sosten grandi pa nos.
Esaki ta mustra ku nan ta pará meimei den nos komundat i ke aliviá e nesesidatnan kaminda eseinan presentá. Ku e donashon royal akí sigur sigur nos por sigui hasi bon”, Sra. Losiabaar a splika.
Stichting Johannes Bosco ta aktivo na Kòrsou ya pa 75 aña kaba. E fundashon ta finansiá entre otro proyektonan riba tereno di trabou hubenil i kuido pa grandi.
Serphos: “Nos ke ta einan kaminda nos por yuda partinan di nos komunidat ku ta den nesesidat ku bon inisiativa i proyekto.
Spesialmente pa ku nos hóbennan nos ta sinti un deber moral. Nos ke yuda hasi tur lo posibel pa e muchanan di famianan di ménos rekurso haña e mesun chènsnan ku otro muchanan. Pobresa i desigualdat den posibilidatnan mester haña prioridat riba agènda sosial. Nos ta bai hasi nos esfuerso pa ku esaki.”
Di e forma akí e fundashon ta oumentá konsiderablemente e suma di Naf 18.000 ku nan a duna Voedselbank den e añanan anterior.
Mester bisa si ku den aña 2020 ya nan a oumentá e suma kaba i a duna Voedselbank Naf 49.500.
David Serphos, direktor interino di Stichting Johannes Bosco: “Banda di su trabounan regular, Voedselbank a hasi un trabou fantástiko durante di e pandemia di Covid i ta hasiendo esei ketu bai. E boluntarionan tambe a hasi un bon trabou. Voedselbank tin un aliado den nos ora ta trata di kombatimentu di pobresa na Kòrsou, un problema ku ta muchu mas grandi di loke vários di nos ta pensa i ku den tempunan di krísis ta sali mas na kla.
Djasabra ultimo Sheryl Losiabaar, presidente di Voedselbank Curaçao ku gratitut a risibí e chèk simbóliko.
“E involvimentu di Stichting Johannes Bosco den nos trabou ta un sosten grandi pa nos.
Esaki ta mustra ku nan ta pará meimei den nos komundat i ke aliviá e nesesidatnan kaminda eseinan presentá. Ku e donashon royal akí sigur sigur nos por sigui hasi bon”, Sra. Losiabaar a splika.
Stichting Johannes Bosco ta aktivo na Kòrsou ya pa 75 aña kaba. E fundashon ta finansiá entre otro proyektonan riba tereno di trabou hubenil i kuido pa grandi.
Serphos: “Nos ke ta einan kaminda nos por yuda partinan di nos komunidat ku ta den nesesidat ku bon inisiativa i proyekto.
Spesialmente pa ku nos hóbennan nos ta sinti un deber moral. Nos ke yuda hasi tur lo posibel pa e muchanan di famianan di ménos rekurso haña e mesun chènsnan ku otro muchanan. Pobresa i desigualdat den posibilidatnan mester haña prioridat riba agènda sosial. Nos ta bai hasi nos esfuerso pa ku esaki.”