Serguéi Lavrov a primintí ku nan: Lo bai tuma vengansa kontra esnan ku a asesiná yu muhé di Alexander Duguin

MOSKU – Serguéi Lavrov sekretario di estado di Rusia despues di a asistí na entiero di Dayra Duguin yu muhé di
Alexander Duguin a primintí di aktua ku man duru kontra esnan responsabel.
Alexander Duguin rasputin di presidente Vladimir Putin tabata realmente devasta pa lokual a pasa ku su yu muhé.
Serguéi Lavrov a bisa ku e teroristanan di Ukrania a kousa bastante dolor na famia di Alexander Duguin
ku pèrdè un yu muhé di apénas 29 aña di edat.
Alexander Duguin ku ta un figura públiko na Rusia ku a defendé Vladimir Putin ku e invashon di Ukrania. Vladimir Putin sin duda lo pone tur lokual ta na su disposishon pa kaptura esnan ku a rementá e vehíkulo ku Dayra Duguin tabata aden.
Den e kaso aki Alexander Duguin sin duda tabata esun ku e teroristanan kier a likidá pero a logra skapa na wowo di angua. Durante entiero Alexander Duguin i su kasa a bisa ku nan yu muhé a muri pa e pueblo i pa Rusia.