Ser o ta den iglesia

Ser o ta den iglesia
1. Bo tabata sa ku dor di Boutismo bo no ta únikamente den iglesia sino ku abo mes ta Iglesia? Iglesia mester di struktura. Pero Iglesia ta mas ku struktura. E ta e misterio di grasia ku ta biba den bo.
2. Bo tabata sa ku Hesus ta kara di Tata? I ku Iglesia ta kara di Hesus? I ku abo ta e kara di Iglesia? Riba kamindanan di bo bida bo ta deskubrí Iglesia, ta pasa dor di Kristu i ta yega na Tata.
3. Mundu ta mira i ta kontemplá, atmirá i husga Iglesia den e spil di bo bida diario. Kiko Iglesia ta revelá den bo bida? Bo por rekonosé e Iglesia di Hesus den bo forma di biba diario?
4. Iglesia tin su raisnan den Kristu. Atraves di nan e bida di Kristu ta kore dor di e Kurpa di Iglesia. E raisnan di bo bida ta hundi den tera di Iglesia i ta p’esei nan ta yega na e Kurpa Morto i Resusitá di Hesus..
5. Den Iglesia nos tur ta importante. Algun lo ta blòki. Otronan, sèmènt. Otronan, balkinan. Otronan, pilarnan. Lo importante ta ku kada un di nos sea den dje loke nos mester ta. Si abo faya, algu importante ta fayando den Iglesia.
6. Iglesia ta bida. Ta p’esei, únikamente bo por ta i ser Iglesia komo un persona ku ta biba. Esnan morto na e grasia ta empobresé bida i e mishon di Iglesia. Abo, kiko bo ta awe den bo Iglesia? Por fabor, resusitá.
7. Di Iglesia nos ta risibí hopi kos. Pero tambe tin ku duna Iglesia. Kiko abo ta dunando i aportando awe na Iglesia? Bo piká ta empobres’é, pero bo santidat ta ilumin’é i ta lag’é resplandesé dilanti hendenan. Abo ta e kara visibel di Iglesia.