Sensia

Kiko sensia ta simbolisá?

Loke sensia ke nifiká den nos liturgia nan a bai ta splikando nos e vários dokumento ku nan splikashonnan.
Sensia ta kreá un atmósfera agradabel i festivo rondó di loke nos ta sensiá, alabes ku e ta kreá un aire entre misterioso i sagrado pa e sutil forma intokabel di su perfume i di su huma.

E ta ekspresá elegantemente rèspèt i reverensia pa ku un persona o pa ku algun símbolo di Kristu.
Pero mas den profundidat e ta indiká e aktitut di orashon i elevashon di mente pa ku Dios. Ya Salmo 140 ta laga nos bisa: “ mi orashon ta subi manera sensia den bo presensia”.
Sensia ta símbolo, prinsipalmente, di e aktitut di ofrenda i sakrifisio di e kreyentenan pa ku Dios. Sensia di algun moda ta uni e personanan ku e altar, ku nan donnan i prinsipalmente ku Kristu Hesus ku ta ser ofresé den sakrifisio.

Ken nan ta sensiá?
-E Misal Romano ta sugerí ku libertat uso i sensia den e momentonan aki di Misa:
Durante proseshon di entrada
Na komienso di Misa pa sensiá e altar
Den proseshon i proklamashon di evangelio
Den ofertorio, pa sensiá e ofrendanan, e altar, e presidente i e pueblo kristian
Den manifestashon di e Pan konsagrá i di e Kális despues di konsagrashon (IGMR 235)

a) Hiba sensia den e proseshon di entrada i sensiá e altar ku ta bai na ser e sentro di e selebrashon eukarístiko, por indiká rèspèt pa e lugá, pa e personanan i pa e altar, o simplemente ta nifiká e tono festivo i sagrado di e akshon ku ta kuminsá. Pero e Misal no ta duna demasiado relieve na promé gesto aki: semper a konsiderá mas importante sensiamentu di e altar den ofertorio.

b) Sensiamentu di e evangelio a drenta for di siglo XI komo signo di honor i rèspèt pa ku Esun kual su palabranan nos ta bai skucha. E Misal (IGMR 33 y 35) ta splika dikon den e momento di evangelio ta akumulá e signonan di spesial venerashon: e lektor ordená, e postura pará, e sunchi i otro muestranan di honor entre kual tin ku kòrdá e sensia.

c) Uso di sensia den ofertorio tin interesnan spesial. Ta sensiá e altar i e ofrendanan di pan i biña riba dje “pa nifiká di e moda aki ku e oblación di Iglesia i su orashon ta subi dilanti e trono di Dios komo e sensia” (IGMR 51).
Den e momento aki “tambe e saserdote i e pueblo por ser sensiá”. Huntu ku e pan i biña ofresé riba altar, i ku a ser sensiá, tambe e presidente ta ofresé su mes i kuné hinter komunidat i asina nan mes ta kombertí den ofrenda i sakrifisio, uní i inkorporá na e sakrifisio di Kristu. Ta e personanan, prinsipalmente, ta esnan ku ta bini na ser simbolisá komo ofrenda i homenahe na Dios, ku e gesto di sensia. Si e no tabata nada mas un gesto di honor, e asamblea ta keda sintá miéntras nan ta sensi’é. En kambio, nan ta lanta para pa indiká nan aktitut positivo, komprometido, di union spiritual ku e ofrendanan eukarístiko.

d) Den konsagrashon e akto di sensiamentu ta manifestá na Señor mes. Tur sensiamentu ta dirigí nan mes na e signonan sakramental ta di e presensia di Señor: e altar, e krus, e buki di evangelio, e presidente, e asamblea. Awor ta sensiá e pan i e biña konsagrá, e signo sentral i efikas di e outo-donashon di Kristu.