Sekretario di defensa merikano: A yega Brazil pa partisipá den reunion regional di ministernan di region

BRAZILIA – Lloyd J. Austin III a yega Brazil ayera pa partisipá na e reunion regional di ministernan enkargá ku e kartera di defensa di region di Amérika Latina i Merka.
E foro ku Lloyd J. Austin III lo partisipá aden aki a keda establesé na aña 1995 i e meta tabata pa estrecha lasonan di paisnan di Amérika Latina i Merka.
Huntu ku Lloyd J. Austin III a biaha general Laura Richardson di komandante di Komando Sur i un delegashon di atmiral i general.
E delegashon merikano tin un agènda yen pa debatí riba retonan i oportunidatnan kompartí den e region den un ambiente di diálogo habri i konfiansa mutuo.
E plan ta pa despues ku Lloyd Austin kaba ku su kompromiso reuní tambe ku presidente Jair Bolsonaro riba e último dia ku e ta na Brazil pa atendé ku e situashon di Ciberdefensa.