Segun último enkuesta: Hernández i Petro ta den un empate tékniko pa elekshon presidensial na Colombia

BOGOTA – Segun e último enkuesta realisá ayera pa e kompania di konsultant Guarumo i EcoAnalítica tin un empate tékniko pa elekshon presidensial na Colombia entre Rodolfo Hernández i Gustavo Petro.
Ta trata aki di un elekshon bastante pèrta ya ku segun kálkulonan Rodolfo Hernández a logra yega na un 48,2 % miéntras ku Gustavo Petro ta na 46,5 %.
Pedro Palma direktor di e kompania di enkuesta EcoAnalítica a indiká ku tin un diferensia di apénas 5.3 % di voto ku lo disidí ken lo por gana e elekshon aki.
Rodolfo Hernández tabata atras den enkuesta den promé buèlta pero a kambia su strategia di atake kontra Gustavo Petro i pase den último dianan di kampaña.
Pedro Palma a bisa ku esaki lo keda disidí dia 19 di yüni ku ta dia di elekshon presidensial na Colombia.
Kasi tur biaha elekshon presidensial ta keda disidí na Bogota ya ku e poblashon ta mas grandi pero aki tin empate entre Rodolfo Hernández i Gustavo Petro.