Internashonal
Segun resultado di último enkuesta: Luiz Inacio Lula da Silva ku amplio márgen di bentaha di voto riba Bolsonaro
BRAZILIA – Segun resultadonan públiko di último enkuesta realisá pa Genial/Quaest e kandidato Luiz Inacio Lula da Silva lider di PT (Partido de los Trabajadores) a optené 55% di intenshon di voto.
Miéntras ku e aktual presidente Jair Bolsonaro a haña solamente 31% di intenshon di voto.
Otro kandidatonan ku a bin purba na suerte den e elekshon presidensial 2022 aki manera Ciro Gómez di PDB (Partido Laborista Democrático) a risibí solamente 6%, André Janones di partido Avante (4%) porshento i Simone Tebet di Movimiento Democrático Brasileño (4%).
Ta parse manera kosnan ta bayendo aki Luiz Inacio Lula da Silva lo por gana elekshon den prome buèlta mes i asina Brazileñonan por tin un presidente iskierdista atrobe na poder.
Luiz Inacio Lula da Silva tin práktikamente tur sindikatonan di trahadónan su tras ku ta nifiká ku difísilmente elo por pèrdè e elekshon presidensial aki.