Segun presidente di Banko Sentral na Brazil pa 2024 lo bai tin un moneda digital soberano

SAO PAOLO – Roberto Campos Neto presidente di Banko Sentral di Brazil a anunsiá ayera ku nan ta trahando duru pa introdusí un moneda digital soberano ku lo mester keda introdusí pa yanüari di aña 2024. E sistema konosí komo CBDC (Central Bank Digital Currency) lo bai keda introdusí na Real digital ku Banko Sentral di Brazil lo bai manehá i ofresé e suidadano ku por usa komo forma di pago.
Roberto Campos Neto a splika ku tin algun pais ku a lansa e moneda digital CBDC kaba manera Nigeria, Bahamas, Antigua & Barbuda, Saint Kitts and Nevis, Montserrat, Dominica, St. Vincent and the Grenadines, St Lucia i Granada.
Segun Fondo Monetario Internashonal tin un sentenar di pais ta eksplorando e posibilidat di krea nan propio CBDC entre nan Merka.
Un CBDC ta diferente kompará ku bitcóin i otro criptomoneda debí ku esaki ta keda kontrolá pa e banko Sentral di e pais konserní na momentu di interkambio.
Roberto Campos Neto ta di opinion ku for di 2020 Banko Sentral na Brazil a kuminsá ku e sistema di Pix ku a bira un éksito komo medio di pago i den kaso aki pa introdusí un CBDC esaki no mester bira un problema.