Segun Panorama di aña i mei pasá….. Pointe Blanche te prison mas notorio i teribel di Reino

WILLEMSTAD. Hustamente un aña i mei pasá e revista Panorama ku ta eksisti pa siglo kaba na Hulanda I riba nos islanan a raportá dje kondishonnan infernal ku gobiernu ta sera presunan den prison Pointe Blanche riba e isla: Pointe Blanche te prison mas teribel i notorio den Reino Hulanda.
Ultimo aña i mei a traha diferente rapòrt pa demostra ku a drecha e situashon pero esei ta leu di bèrdat.
Pa kolmo hasta malversashon di plaka pa modernisá e prison funshonarionan europeo a mafia pero ningun hende a kai será.
Na yuni di aña 2020 Panorama a kombersa ku funshonarionan di Hustisia, abogado I prfesu di Pointe Blanche i e kuadro ku nan a pinta ta duna hende inklinashon pa sera resnan responsabel pe situashon aki maske ta un siman den e sukursal di fièrnu na Sint Maarten.
Tantu abogado komo presunan ta konfirma ku e instituto ta un monument ku ta simbolisa violasshon di derecho humano flagrantemente.
No ta pornada nan a yamé Devil’s Rock.
Pasa tempu den e prison ta un pesadiya.
E prison tin luga pa 70 hende pero tin 75 homber I 7 muhé presu den e prison dia a traha e relato.
Organisashonnan manera Korte Europeo di derecho Humano a kritika gobiernu severamente i apesar ku e ta forma parti di Reino ulandes, nada a kambia visiblemente.
Di otro banda hopi dje habitantenan dje prison ta forma un grupo dje kriminalnan mas violento i kruel di Sint Maarten i hasta di otro islanan den besindario.
Pa kolmo no solamente gobiernu no a mantené e prison sino ku orkan tambe a kastiga i kibra masha kos den e prison.
E edifisio ta digno di kompará k un prison medieval: ta na kadena so e presunan no ta ankra den sèl.
Pa kolmo gerensia dje prison ta gaña nan ku kos ta bai drecha pero esei no ta pasa.
Si bisa ku e lugá ta un menasa pa tur hende ku t atraha of ta será eiden no ta eksagerashon.
E delitonan violento den prison ta proba esaki: tin arma b lankku, tin arma di kandela, tur arma tin den e prison.
Dia 25 di mei 2020 a puñalá presu durante un free-for-all i e tabata asina grave ku mester a interné den hospital.

HASTA SEKUESTRO
Hasta sekuestro tabatin den e prison.
November di 2019 presunan lokal a sekuesrá dos presu dominikano i a eksigi un reskate di 1500 dòler.
Nan a domina nan ku un navaja i un kuchu di kushina.
Pa kolmo naturalesa tambe tabata un maton i si no ta naturalesa, ta maltrato di dominikano ta al orden del dia.
E dominikanonan a skapa pasobra presunanan a graba e rehennan manda pa nan famia eksigiendo reskate i e presunan a logra avisá nan abogado ku a yama polis bai resolvé e asuntu.
Promé ku esei un presu a maltratá otro presu asina serio ku ela keda mankaron i gobiernu mester a pagé shenmil florin di kompensashnon.

ASESINATO
Na 2016 a tira e presu Omar Jones mata durante un tiroteo den kual 11 presu tabata envolvi. Jones tabata lider dje notorio gèng Bling-Bling.
Na 2014 a arestá e sikario Carlos Richardson pa intento di asesinato riba Urvin Laurence Wawoe pero su kompañeronan a Sali na su reskate ku machete.

…..Urving Laurence Wawoe kende a sobrebibi intento di asesinato pero arma di kandela a faya….