Internashonal
Segun minister di defensa Colombiano Iván Márquez ta bibu i ta bon protehá pa Maduro
BOGOTA – Servisio di inteligensia Colombiano a keda sigurá ayera na momentu ku nan a risibí un video kaminda Luciano Marín Arango, alias Iván Márquez tabata huntu ku un grupo di eks militantenan di FARC-EP
na un finka na Venezuela.
Diego Molano minister enkargá ku e kartera di defensa na Colombia a bisa ku Luciano Marín Arango, alias Iván Márquez ta bibu i ta bon protehá pa Nicolas Maduro.
Riba e video por mira Luciano Marín Arango, alias Iván Márquez den kompania di algun di su koleganan bon arma na un finka na Venezuela.
Di akuerdo ku deklarashon di Diego Molano riba e video por nota ku huntu Luciano Marín Arango, alias Iván Márquez tabatin dos di e geriyeronan mas buska na Colombia ku yama Manuel Marulanda, Alias Tirofijo
i Alberto Cruz Lobo, alias Enrique Marulanda.