Segun komité di Kongreso: Mester tene Donald Trump responsabel di e atake ku a tuma luga na Kapitolio

WASHINGTON – Bennie Thompson presidente di e Komité di Investigashon nombra pa Kongreso merikano a bisa ku Donald Trump a habri porta pa anarkia i korupshon i ta p’esei mester keda tene e eks presidente komo responsabel di e atake na Kapitolio.
Lokual ku a keda proba di e investigashon aki segun Bennie Thompson ta ku Donald Trump a trata na destruí
Merka su institushon Demokrátiko.
Bennie Thompson a bisa ku ta p’esei Donald Trump mester keda tene komo responsabel pa e atake riba Kapitolio di dia 6 di yanüari 2021.
Tur esnan ku ta envolví den e atake aki mester para responsabel pa nan aktonan ku Donald Trump na kabes.
Resultado di e investigashon ta indika ku ta Donald Trump a pone ku su sigidornan a bai Kapitolio pa stroba Mike Pence sertifiká viktoria di Joe Biden komo ganador di elekshon presidensial 2020.
Despues di e asalto na Kapitolio Donald Trump a dura tres ora pa pidi su sigidornan pa bandoná Kapitolio.