Segun Josep Borrell Union Europeo ta dispuesto: Pa revisá si ta kita sanshonnan kontra gobiernu di Maduro si avansá diálogo ku oposishon

BRUSSELAS – Josep Borrel sekretario general di Union Europeo a deklará ayera ku nan ta dispuesto pa revisá sanshonnan ku tin kontra e gobiernu di Nicolas Maduro.
Esaki ta posibel basta gobiernu di Nicolas Maduro avansá ku nan negoshashon ku miembronan di oposishon.
Josep Borrel a splika ku durante su intervenshon inougurá di Asamblea Parlamentario Eurolat ku ya kaba un grupo di nan miembronan di Union Europeo a biaha pa Mexico pa asistí na e reunion ku tin entre oposishon i koalishon venesolano.
Josep Borrell a aploudí ku ta presidente Nicolas Maduro mes a pidi pa reanudá kòmbersashonnan ku oposishon.
Den e kaso aki ta spera ku si tur kos kana manera ta bai ku Union Europeo gradualmente lo kuminsá kita tur sanshonnan kontra Venezuela.
E intenshon ta pa vários pais den Union Europeo kuminsá importá produktonan petrolero serka PDVSA i a asina por suavisá e situashon ku no ta haña gas barata serka Rusia.