Internashonal
Segun inteligensia merikano: Gera entre Rusia i Ukrania lo por bai dura basta largu
WASHINGTON – Avril Haines direktor di servisio di inteligensia merikano dilanti un oudiensia di un komité
den Senado a deklará ku tin informashon ku Vladimir Putin tin pensa di bai largu ku e gera kontra Ukrania.
Segun Avril Haines presidente Vladimir Putin no a pensa ku Merka i Paisnan den Union Europeo lo a apoya Ukrania di e forma aki.
Esaki tin komo konsekuensia ku den promé etapa di e invashon por bisa ku mas tantu militar Ruso a muri ku lokual a keda spera pa Vladimir Putin.
E ekiponan militar ku Merka i aliadonan di OTAN ta yudando Ukrania kuné ta pone ku Vladimir Putin no a logra su ophetivo ainda di apoderá Donbas i otro partinan importante na Ukrania.
Tur lokual Vladimir Putin ta buskando ta pa gana tereno na Ukrania pero no ta logrando esaki.
Avril Haines a bisa ku ta p’esei miéntras tantu ku Vladimir Putin no logra su ophetivo elo sigi sin tene kuenta ku konsekuensianan.
Lokual ku Vladimir Putin ta hasiendo ta ku kosto di bida di sivilnan i militarnan, lo bai tin skarsedat di alimento no solamente na Rusia i Ukrania sino na nivel global.