Segun informashon di Febeko: Baseball den 2022 dediká na “Kènènè” Gijsbertha…

Djabièrnè awor 7or di anochi ofisialmente lo duna inisio na e kampeonato di baseball hubenil di Kòrsou ku e aña aki lo karga e nòmber di “Rookie League”.
Informashon di FEBEKO ta mustra ku tur kompetensia di baseball di Kòrsou e aña aki lo ta dediká na Sr. Kenneth Gijsbertha.
Kenneth, konosí komo “Kènènè” a kuminsá den baseball for di edat hóben i a okupá tur funshon den baseball di Kòrsou i Antia tantu komo pelotero, manager i dirigente atministrativo.
Kenneth tin un trayektoria di mas ku 50 aña aktivo den baseball di Kòrsou.
Manera 5 Star a skibi e la hunga baseball, e tabata manager kampeon, e la dirigí selekshon i presidí federashon.
Huntu ku esei den su tempu na Refineria Isla e la perkurá di hasi un palabra pa di tur forma Refineria Isla yuda nos baseball.
Sin duda e desishon pa dediká “Baseball 2022” na Kenneth Gijsbertha ta unu na su lugá paso ta trata aki di un personahe ku realmente meresé.