Internashonal
Segun gobernador Pedro Pierluisi Orkan Fiona a bai laga un desaster atras
SAN JUAN – Ayera for di oranan trempan di mainta orkan Fiona a pasa duars riba e isla di Puerto Rico konsekuentemente a laga un desaster atras.
Gobernador Pedro Pierluisi a tene un rueda di prensa ayera i deklará ku lokual Fiona a hasi ta laga inundashon rònt Puerto Rico.
Fuera ku e kompania di utilidat LUMA Energy tabatin problema kaba ku suministro di koriente i esaki a sali kompletamente for di man debí ku bientunan fuerte a tumba sentenáres di palu di koriente.
Esaki a kousa kuné momentunan aki un total di 1.4 mion habitante no tin koriente i tampoko servisio di awa ta yega nan kas.
Gobernador Pedro Pierluisi a splika ayera so un total di 20 inch di áwaseru a kai rònt Puerto Rico i ku esaki lo nifiká ku por lo pronto LUNA Energy lo no por bai hasi trabounan di mantenshon.
E problema ta serio ya ku tin hopi awa ta kai i si bini otro orkan manera Fiona esaki lo bai ta desastroso pa e habitantenan di Puerto Rico.