Segun Fox News: FBI a entrega Trump su pasaportenan bek

WEST PALM BEACH – Christopher Wray direktor di FBI a konfirmá ku agentenan di servisio di inteligensia a konfiská e tres pasaportenan ku Donald Trump a bisa ku ela pèrdè.
Esaki ta kuadra ku realidat i ku ayera tardi mes un representante di FBI a bai na residensia di Donald Trump na Mar-a- largo pa hasi entrega bek na e eks presidente personalmente di e tres pasaportenan.
Donald Trump a bisa ku tabatin solamente 1 pasaporte ku a kaduká pero segun Christopher Wray tabatin 1 pasaporte válido i dos pasaporte ku a kaduká.
E entrada hudisial tabata unu kompletamente legal ya ku ta fiskal general Merrick Garland a haña pèrmit di un wes federal na Florida firma pa realisá e investigashon na residensia di Donald Trump na Mar-a -Largo.