Segun eks relevista di Filis Brad Lidge: Yankees tin di firma Kenley Jansen..

Brad Lidge ku tabata closer di e tim di Filis di Filadelfia ta di opinion ku e tim di New York Yankees tin di trata na firma Kenley Jansen, paso Kenley tin ainda den su brasa hopi pa yuda kualke ekipo di baseball di Grandes Ligas.

Na opinion di Brad Lidge otro ora e tim di Yankees lo no duda den firma Kenley.

E la rekonosé ku e asuntu di “kurason” di Kenley kisas lo por ta un motibu pa pensa.

Sinembargo pa Brad Lidge, Yankees tin di garantisá pa nan bullpen un closer di kalidat.

E ta mustra ku Kenley Jansen a salba 41 wega.

E la poncha 85 batido den 64 inning ku efektividat di 3.38.