Segun e revista Forbess: Elon Musk ya no ta e hòmber mas riku di mundu

NEW YORK – Den e último edishon di e revista Forbess ku resientemente a keda publiká ta konfirmá ku Elon Musk ku ta propietario di Tesla, SpaceX, Twitter Inc. ya no ta e hòmber di mas riku riba e planeta aki.
Elon Musk tin un fortuna balorá na $181.300 mion ku ela logra akumulá ku tur su negoshinan ku ela funda na Sur Afrika, Merka i otro partinan na mundu.
Den e kaso aki e persona ku a logra akumulá mas fortuna ku Elon Musk pa lokual ta 2022 ta e empresario Franses Bernard Arnault i su famia.
Bernard Arnault i su famia tin e imperio LVMH ku tin un total di 70 marka di moda i kosmétiko ku nan ta manehá.
Esaki ta inkluí Louis Vuitton, Sephora, Moët Hennessy, Cristian Dior i joyería merikano Tiffany & Co.
Segun informashon ku a keda publiká den e revista Forbess Bernard Arnault i su famia nan fortuna ta balorá na $182.000 mion kompará ku Elon Musk su $181.300.
Jeff Bezos lo por tabata na promé luga komo e hòmber mas riku riba e planeta aki pero na momentu ku ela divorsiá e mester a entrega algu ménos di mitar di su fortuna.
Aktualmente revista Forbess tin Jeff Bezos na di kuater luga ku un fortuna balorá na 113.800 mion tras di Gautam Adani ku tin un fortuna balorá na $131.000.