Deporte
Segun Brian Cashman, GM Di Yankees: “Rizzo no tabatin interes di skucha oferta di Yankees”…
Mike Rizzo ku ta General di Nationals no tabata kier a skucha Yankees niun momento, asina GM di Yankees ku ta Brian Cashman a deklará.
Cashman a rekonosé ku Yankees tambe tabatin interes den trese e estrea dominikano Juan Soto, pero ku a parse ku niun momento Mike Rizzo ku ta General Manager di Nationals no tabatin muchu interes den skucha kiko Yankees tin di ofresé.
Segun e GM di Yankees, tabata bisto ku Mike Rizzo kier a deal ku dos team, sea Padres di San Diego o Cardenales di San Luis.
Mike Rizzo, GM di Nationals a bisa despues ku Padres no tabatin miedu.
“Nos a hasi un interkambio ku lo bai den historia komo un dje mihó kambionan”, Mike Rizzo a deklará.