Sandals ta kreando sklabitut riba nos isla!

WILLEMSTAD. E parlamentario Gilbert Doran di MFK awe a lansa un denunsia hopi brabu relashona ku funshonamentu di hotel Sandals na Kòrsou.
E deklarashon aki ta haña aun mas relevansia konsiderando ku lidernan di su Partido tabata ‘eerste rij eerste bank’ na aperture dje hotel.
Doran ta denunsiaku na luga di prepara nos hendenan lokal, nan a trese e asina yamá “task force”, unda e intenshon prinsipal tabata pa trese nan propio hendenan pa eduká nos yunan di tera pa ku e funshonnan di e hotèl aki.
Pero segun kehonan di hopi di e personal di Scandals, e “task force” kontinuamente ta maltratá e trahadónan lokal verbalmente.
Ta bini aserka ku ta tratando nos yunan di tera manera katibunan modèrno, ya ku ta eksihí di nan pa hasi e labornan korektamente, sino mes ora ta duna nan un “waarschuwingsbrief” pa un eror chikitu.

Pero si e eror aki bini di e miembronan di “task force”, nada no ta bini afó. Kier mèn ta nos hendenan ta e malunan?