Salú: Bottles awor ta partner di Fun Miles

Risibí 2x Fun Miles riba djaluna i ‘troka’ pa ofertanan atraktivo riba djárason!

WILLEMSTAD – Miembronan di Fun Miles tin un motibu mas pa selebrá i brinda; Bottles Wine, Beer & Spirits ta e Fun Partner di mas nobo! Awor ora ku bo kumpra n’e bunita establesimentu na Caracasbaaiweg bo por spar i troka puntonan di Fun Miles. Esnan ku ta kumpra via di bottles.online tambe por spar!  Pa selebrá e introdukshon di Bottles lo bo risibí tur djaluna 2x (dòbel) Fun Miles i tur djárason lo tin ofertanan hopi atraktivo durante e kampaña di introdukshon. Tur esaki i mas, ta motibu sufisiente pa bishitá Bottles i sigui nan riba social media.

Bottles: bunita bòter, preisnan atraktivo

Bottles ta para pa kalidat haltu i un preis hustu. Esaki ta komprobá den e kolaborashon ku e provedornan di biña ku mas renombre na mundo; un selekshon impreshonante di bibida stèrki di kalidat haltu i… tambe kòfi di Nespresso! Servisio na kliente ta primordial na Bottles; e ‘webshop’ fásil pa usa i nan  servisio di entrega (delivery) ta solamente algun ehèmpel di esaki.

Tokante Fun Miles

Miembronan di Fun Miles ta disfrutá kontinuamente di promoshon, kampaña i eventonan espektakular. No pèrdè e ‘fun’ sigui nos riba social media, funmiles.net òf download e App grátis di Fun Miles.

Mas informashon tokante Fun Miles?

Tuma kontakto ku servisio na kliente na number 465 3300 òf bishitá funmiles.net òf facebook.com/funmiles.