Rusia, China i Iran ta desafíando Merka ku ehersisionan militar na Venezuela

CARACAS – Joseph Humire direktor di SFS (Sociedad Libre Segura) a revelá via di un informe spesial ku e sede di “Sniper Frontier” di 2022 lo bai ta na Venezuela.
E weganan di gera aki lo konta ku presensia di paisnan manera Rusia, China i Iran i lo keda ehekutá na luna di ougùstùs.
E parti ku ta hala mas atenshon ta ku ta prome biaha den historia ku un aktividat asin’aki lo tuma lugá na un pais den Amérika Latina i den kura patras di Merka.
Aña pasa e maniobra militar “Sniper Frontier” a keda selebrá na Vietnam kaminda un total di 10 pais a partisipá.
Joseph Humire a splika ku ta un movementu stratégiko ku Rusia i China ta buska pa hasi ehersisionan militar den Amérika Latina i Caribe” pa asina keda permanentemente.
Joseph Humire a alerta ku lokual Nicolas Maduro ta hasiendo ta buska ta provoká i inkómoda Merka.
Nicolas Maduro ta sigi fortifiká lasonan di Venezuela
ku Rusia i China i ku pa aworakí Merka lo no por bai
hasi muchu segun ekspertonan.
Pa kolmo Sergei Lavrov minister enkargá ku relashonnan eksterior na Rusia tabata na Venezuela pa reuní ku Nicolas Maduro i otro alto funshonarionan di e gobièrnu venezolano.