Rusia a tèst “Zircon” un potente misil hipersóniko di largo alkanse

MOSKU – Almirante Gorshkov bosero di Ministerio di Defensa Ruso a konfirmá ku nan a kaba di tèst e misil hipersoniko di largo alkanse ku ta keda konsiderá komo super potente.
E misil “Zircon” a keda lansa for di un barku di gera Ruso ku tabata nabegá na Barents Sea ku ta keda na alkanse di paisnan den Union Europeo.
Almirante Gorshkov a splika ku e misil “Zircon” tin un top speed di 6.670 miya ku un alkanse di 620 miya nóutiko ku ta ekivalente na 1.000 kilometer.
Vladimir Putin a enfatisá ku e despliege di e misil aki a oumentá signifikativamente e kapasidat di ehérsito Ruso. Zircon ta destiná pa destruí barkunan di gera i supmarino enemigu for di un distansia bastante leu via remote kontrol.