Rusia a retirá di e tratado riba arma nuklear ku tabatin ku Merka

MOSKU – Ministerio di Relashonnan Eksterior na Rusia a anunsiá ayera ku e gobiernu di Vladimir Putin a retirá temporalmente di e tratado START ku a keda establesé pa redukshon di arma nuklear entre Rusia i Merka. E motibu prinsipal dikon gobiernu di Putin ta retirá di e tratado START ta debí na un kantidat di sanshon ku gobiernu merikano a imponé kontra Rusia.
Inspektornan di Rusia no por biaha pa Merka pa inspekshona riba teritorio merikano i vise versá.
E tratado START di redukshon di Armanan Stratégiko a keda firma pa presidentenan Barack Obama i Dmitriy Medvedev na 2010.
Vladimir Putin a bisa ku nan lo keda mantené nan mes na regla pero si Merka no ta laga inspektornan Ruso kontrolá nan armamentunan e areglo di START temporalmente ta keda kanselá.