Rusia a lansa: Misil balistiko interkontinental boutisa bou di e nòmber Sarmat

MOSKU – Rusia a realisá ayera un lansamentu di prueba di un misil balístiko interkontinental ku a keda boutisa bou di e nòmber Sarmat.
E lansamentu di e misil balistiko Interkontinental aki a tuma luga na e kosmodromo ku ta keda na e region di Plesetsk.
Lokual ku por a opservá den e kaso aki ta ku e misil balistiko Sarmat a alkansá di yega na un distansia di 6.000 kilometer for di polígono na Kamchatka.
Vladimir Putin presidente di Rusia a bisa ku e lansamentu a keda transmití na televishon pa e komunidat Ruso por presensia ku nan tin un arma peligroso i destruktivo.
Despues ku e misil balistiko a keda lansa Vladímir Putin a manda un mensahe di atvertensia den direkshon di esnan ku ta yudando Ukrania ku armamentu.
Vladimir Putin a bisa ku e misil balistiko Sarmat ta kapas di superá tur medio moderno di defensa antimisil ademas ta poseé karakterístikanan taktiko-teknika di alto nivel.
Ministerio di Defensa Ruso a bisa ku lokual tin na informashon ta ku nan tin bastante misil balistiko Sarmat den produkshon.