Internashonal
Romanse entre Kim Kardashian i e komediante Pete Davidson a kaba
LOS ANGELES – E romanse entre e popular personahe Kim Kardashian i e komediante Pete Davidson a kaba segun medionan di komunikashon na Merka. Aparentemente tantu Kim Kardashian komo Pete Davidson tin nan skedjelnan di trabou yen i ámbos apénas tin kontakto físiko ku otro.
Esaki aparentemente tabata e motibu di nan separashon.
Kim Kardashian a indika ku e tabatin kontakto diario ku Pete Davidson ku a muda pa Oustralia kaminda ela haña un trabou pa partisipá den un serie di komedia.
Kim Kardashian ta mama di kuater yu i ku a opta pa keda Los Angeles pa atendé ku su kompromisonan.
E oportunidat ku Pete Davidson a haña aki tabata un importante pa su karera komo aktor i komediante i ta p’esei no por ninga esaki. E parti mas importante di e ruptura aki ta ku no tin ningun klase di drama entre Kim Kardashian i Pete Davidson manera tabata e kaso ku Kanye West.