Internashonal
Roma ta ofresé transporte públiko grátis durante periodo di Pasku
ROMA – Roberto Gualtieri alkalde di Roma a anunsiá ayera den un rueda di prensa ku ela tuma e desishon ku durante dianan 8,11, 18 i 24 lo bai tin transporte públiko grátis pa tur hende ku ta deseá esaki.
Esaki ta nifiká ku tur hende ku ta transitá den Trein, Bus of Metro riba e dianan aki menshoná lo no mester paga nada.
Pa lokual ta otro transportenan manera Taxi i Uber a yega na un akuerdo ku nan tambe pa esaki tin un deskuento di 50 porshento i esnan ku tin desabilidat no mester paga nada.
Alkalde Roberto Gualtieri a splika ku e motibu dikon ela bini ku e idea aki ta pa tin muchu mas tantu hende den kaya i asina por probechá di e luna di desèmber ku mester tin pas, trankilidat i alegria.
E intenshon ta pa den kaya, sentronan komersial i restorant tin hopi hende ta selebrá manera tabata e kaso den pasado.