Roberto, “Mano de Piedra” Duran: “Mihó Golovkin stòp”…

Roberto, “Mano de Piedra” Duran tampoko no a gusta e kombate di djasabra na Las Vegas entre Gennady Golovkin i Canelo Alvarez.
E la bisa ku Golovkin tabata falta agresividat.

“Si ta e forma ei Golovkin ta bringa, mihó e retirá for di bòkseo”, asina e eks kampeon mundial a deklará.

Roberto Duran ta bisa ku e la spera muchu mas di e pelea, sigur di Golovkin ku ta un hòmber ku riba ring semper ta duna espektákulo.

“Ma keda hopi desepshoná ku e kombate”, “Mano de Piedra” a deklará.