Robert Garcia entrenadó di Anthony Joshua: “Triunfo pa Joshua grandi pami”…

Robert Garcia ku ta e entrenadó nobo di e bòkseo Britániko Anthony Joshua ta bisa ku un triunfo pa Anthony Joshua mañan lo ta e triunfo di mas grandi pe komo entrenadó di bòkseo.
Garcia a train vários kampeon mundial, sinembargo e lo tin e deseo pa su bòksdó gana mañan di Oleksandr Usyk.

Den promé pelea Usyk a “Out-Box” Anthony Joshua.

Usyk ta faborito pa gana e kombate di mañan.
Garcia tin konfiansa ku Anthony Joshua lo logra e triunfo.
“Lo ta e triunfo di mas grandi pami komo entrenadó”, Garcia a deklará.

Anthony Joshua su rekòrt ta di 24-2, ku 22 nòkout. Usyk su rekòrt ta di 19-0, ku 13 nòkout.

Robert McCracken tabata e entrenadó di Joshua for di komienso di su karera.