Ricky Martin a demanda su subrino ku a trata na daña su imáhen

SAN JUAN – Ricky Martin su abogado a entrega un demanda kontra e kantante Portorikeño su subrino ku a akus’é di insesto familiar.
Segun investigashon fiskalnan di Ministerio Públiko na Puerto Rico a bin konstatá ku e subrino di Ricky Martin ku yama Dennis Yadiel Sanchez a gaña for di komienso te final di tur e akusashonnan kontra e kantante.
Abogado di Ricky Martin a indiká ku últimamente su kliente pa kuminsá no a topa ku Dennis Yadiel Sanchez te pa e tene relashon seksual kuné.
Debí na alegashonan falsu di parti Dennis Yadiel Sanchez e kantante Ricky Martin a pèrdè vários kontrato mionario ku a pone demanda su subrino pa $20 mion.
E kaso aki a tuma lugá den korte na San Juan Puerto Rico i e demanda kontra Dennis Yadiel Sanchez ku ta ela alegá ku Ricky Martin ta un hòmber perverso.
Lokual ku por a komprondé ta ku Dennis Yadiel Sanchez tabata pidi Ricky Martin sèn pero na momentu ku e kantante a stòp di yude finansieramente a kuminsá menase di kuminsá difame riba retnan sosial.
Abogado ku ta representá Ricky Martin a bisa ku esaki ta lokual Dennis Yadiel Sanchez a hasi tambe ku ta kuminsá un kampaña di difamashon kontra e kantante i pa despues pone su number di telefon riba Instagram di forma ku tur hende tabata por a yame i insulte.