Riba dokumentonan ku a lèk: CPR: Lekmentu di dokumento tabata di premirá pero no ta desviá nan

WILLEMSTAD. For di un prinsipio ora a funda Caribbean Petroleum Refinery (CPR) i na momentu ku CPR a tuma e desishon pa partisipá na e proseso di buska un operadó pe refineria, e meta di CPR ta pa operá e refineria di un manera íntegro i responsabel ku ta kontribuí na adelanto ekonómiko di Kòrsou, su habitantenan i e hemisferio.
Te ku awe CPR tin mesun meta ku na prinsipio pero konstantemente tin kontratempu lokual tabata di spera.
No opstante di tur kontratempu, e meta akí no a kambia.

CPR ta i lo keda komprometé ku adelanto di Kòrsou.
E karta ku CPR a dirigí na titular di Gobièrnu di Kòrsou ta pa hala atenshon i indiká ku CPR a tuma nota di dokumentonan ku ta den sirkulashon, ku ta parti di e negosashonnan ku ta protehá den un akuerdo konfidensial.
Ta opvio ku a lèk e dokumentonan aki pa opstakulisá e proseso (?????).
Alabes CPR a tuma nota di dokumentonan privá di CPR ku no ta aksesibel pa públiko òf tersera, ku mester tabata protehá pa institutonan, instansianan i personanan den funshon huramentá pa hasi nan trabou den sekuensia i konfidensial, den Parlamentu.