Revista di medisina “The Lancet”: A informa dikon miónes di hende ta muriendo di kanser

LONDRES – Dòkter Christopher Murray direktor di Institute for Health Metrics and Evaluation na e Fakultat di Medisina na University of Washington a konfirmá ku nan tin resultado di investigashon realisá di un estudio dikon tin miónes di hende ta muriendo di kanser tur aña.
E informashon aki a keda publiká den e revista di medisina “The Lancet” kaminda Dokter Christopher Murray ta spesifiká den detaye kiko realmente e serhumano ta hasiendo robes ku e ta haña kanser.
E kasonan ta alarmante ya ku for di 2010 bin ariba tur aña e porsentahe di hendenan ku ta muriendo di kanser ta oumentando.
Dokter Christopher Murray a splika ku segun nan estudio e faktornan ku hopi hende ta hañando kanser ta stress, uso hopi alkohòl i tabako, konsumo di hopi suku i sobrepeso.
Segun un estudio realisá pa Dokter Christopher Murray riba 4.45 mion hende ku a muri di kanser na 2021 na nivel global tabatin problema ku lokual a keda menshoná.
Dokter Christopher Murray a splika ku lokual ku ta alarmante di e situashon di bida ku tin pa sobrebibensia riba e planeta aki ta pone ku e kasonan ku miónes di hende ta bai sigi muri di kanser.