REUNION URGENTE DI PISKADONAN NA CARACASBAAI

Willemstad – Djawebs 16 yuni 2022 parlamentario Juniel Carolina di e frakshon di MFK den parlamentu di Korsou a wordu aserka ku urgensia dor di e koperativa di piskadonan di Caracasbaai pa asisti na un reunion ku karakter di urgensia 7or di anochi konhuntamente ku piskadonan hopi rabiá di Haf di Caracasbaai.
Durante e reunion piskadonan a trese nan puntonan di dolor i splika bon kla ku komo piskado pa hopi aña ku ta mara nan boto na Haf di piskadó na Caracasbaai pero ku nan lo no bai asepta e maneho i kondishonan nobo ku gobiernu kier bini kune.
Nan a splika ku enbes di gobiernu yuda piskadonan, gobiernu ta matando e sektor di peska muy prinsipal e piskadonan di Haf di piskado di Caracasbaai. Puntonan di prekupashon ku a bini dilanti ta:
· E falta di respet pa ku informashonan sumistra na e koperativa di e piskadonan,
· maneho nobo pa ku waf,
· kantidat di persona ku por bai piska den un boto,
· trahamentu di pas,
· fondo pa piskadonan,
· botonan di plaser ku ta transporta turista i lokalnan pa Boneiru i Klein Korsou,
· fasilidatnan ku mester drecha na e Haf di piskado ku ta na bienestar di e piskadonan manera mashin di ijs,
· lus pa uliminashon den oranan di anochi,
· toilet, dak ku mester drecha, sitio di parkeo,
· kantidat di turistanan ku ta hasi usu di e plataforma di e Haf di piskado pa subi e botonan di plaser i shushedat di e Haf di piskado dor di botonan di placer.
Parlamentario Juniel Carolina a keda di resumi tur e kehonan di e piskadonan enkuestion den un reportage i entrega esakinan na minister Dorothey Pietersz Janga di e ministerio di GMN i alabes minister enkarga ku e sektor agrario i peska.
Ya asina por bini ku un solushon na fabor di e piskadonan ku dia aden i dia afo ta subi laman riska nan bida i trese piská fresku pa komunidat di Korsou.