Reunion di Joe Biden i Alberto Fernández mester a keda kanselá

BUENOS AIRES – Karine Jean-Pierre bosero di Kas Blanku a konfirmá ayera ku e reunion ku tabatin planeá pa dia 26 di yüli próksimo entre presidentenan Joe Biden i Alberto Fernández a keda posponé.
E motibu dikon mester a posponé e reunion entre Joe Biden i Alberto Fernández pa otro fecha ta debí ku e mandatario merikano a tèst positivo ku Covid-19.
Karine Jean-Pierre a splika ku denter di poko lo anunsiá otro fecha di e reunion importante aki entre Joe Biden i Alberto Fernández.
Pa Alberto Fernández e relashon ku Merka ta super importante debí Argentina tin un debe enorme serka Fondo Monetario Internashonal.
Na luna di Mart e atministrashon di Alberto Fernández a pidi Fondo Monetario Internashonal pa refinansiá nan krédito di $44.000 mion.