Renaissance Curaçao Resort ta risibí ‘Travelers’ Choice Award 2021’ di Tripadvisor

WILLEMSTAD – Renaissance Curaçao Resort & Casino i Wind Creek Hospitality ta orguyoso di por anunsiá ku nan a risibí e ‘Travelers’ Choice Award 2021’ (TCA) di Tripadvisor. E premio aki ta keda otorgá na partnernan den industria turístiko, pa rekonosé servisio eksepshonal. Kompanianan ganador di un TCA t’esnan ku a risibí reseña i kualifikashonnan positivo di nan huéspetnan durante aña pasá. No opstante un aña ku hopi desafio Renaissance Curaçao Resort & Casino a destaká brindando servisio ekselente i eksperensianan bunita na su huéspetnan. Ta for di 2015, konsekutivamente Renaissance Curaçao Resort & Casino a bin ta risibí e premio aki i te asta a risibí e sertifikado di ‘Hall of Fame’ na 2019.

Esaki ta e di dos premio ku Renaissance Curaçao Resort & Casino ta risibí e aña aki; na Febrüari 2021 e hotèl a risibí e ‘Loved By Guests Award 2021’ di Hotels.com. E rekonosementu ta basá eksklusivamente riba reseña (review) di huéspetnan ku a bishitá e resort. “Tur dia nos ta hasi e máksimo esfuerso, apesar di e desafionan ku tin den e tempunan aki. Ounke bibando den e ‘normal nobo’ ta nos deseo pa nos huéspetnan- manteniendo nan mes na tur regla stipulá- sinti tòg ku serka nos, nan por relahá i pasa un dushi fakansi. Ámbos rekonosementu risibí e aña aki ta muestra di dedikashon i di amor pa trabou i konsistensia den servisio di tur nos koleganan”, esaki di akuerdo ku Maritza Molina – Director Sales & Marketing di Renaissance Curaçao Resort & Casino.

Pa selebrá e premio di Tripadvisor, Renaissance Curaçao Resort & Casino tin un Dutch Caribbean Promo. Bishitantenan di Kòrsou, Aruba, Boneiru, St. Maarten i islanan BES ta probechá di un oferta super spesial pa estadia. E tarifa kuminsando na $105 pa kamber pa anochi ekskluyendo impuesto ku un estadia di mínimo 2 anochi, ta únikamente bálido pa reservashonnan nobo- i te ku dia 30 di yüni. Ademas, pa estadia te ku yüni 30, 2021 Renaissance Curaçao Resort & Casino ta ofresé un “free upgrade”, esaki ta dependé di e disponibilidat di kamber na momento di hasi e reservashon. Na momentu di check-in mester presentá un ID bálido. Pa reservashon por yama 435.5000 òf e-mail reservations@curacaorenais sance. com