REMARKE – PREGUNTA NA CMC TOKANTE MRI

WILLEMSTAD. Segun Juniel Carolina, miembro di parlamento pa MFK, tin un pensamentu eroneo den nos komunidat ku tur kos ta brua aki na Kòrsou. Hasta den algun paisnan eksterior esaki ta wòrdu komentá pa loke ta servisio. Anto pa straño ku e por zona un pais Kòrsou ku ta outónomo den Reino Hulandes kaminda Hulanda ta un di paisnan mas riku di mundu.
Gabinete Pisas 2, a kuminsá goberná Kòrsou dia 14 di yüni di aña 2021. Gabinete Pisas 2 mester a asumí responsabilidat di gobernashon, despues di un gobernashon kaótiko i desastroso riba tur área i den tur ministerio.
E úniko instansia ku ta duna servisio ku palabrashon ta Abatior. Bo ta hiba bo bestia matadero na Parera pa mata i atardi bo ta bin busk’e.
Gabinete Pisas 2, pa trese kambio den e situashon, penoso, desastroso i kaótiko ya menshoná, a pone su mira riba 5 pilá stratégiko.
Kuido di nos salú a bira na Kòrsou ku si bo no un tiki sèn pa subi avion i bai den eksterior pa kontrolá bo salú, aki na Kòrsou bo ta keda ku bo dòler te dia bo fayesé of muri (sic!!!!!).
Ta un bèrgwensa ku un Hospital ku nos ta bisa ku ta State Of The Art no tin un servisio di scan MRI den funshon.
Mi ta puntra mi mes ta pa kiko a konstruí un Hospital nobo ku a kosta komunidat masha hopi miónes anto no por duna un servisio ku pueblo tin mester i tin derechi riba dje.
Ta mihó a hinka tur e mionesnan den salubridat. No ta e mashin di Scan so ta e problema.
Pa risibí un sita ku neurólogo ta un problema i ta dura 3 luna, pa Scan MRI ta dura 6 luna i pa operá ta dura 3 luna.
Esaki tin un influensia grandi riba e parti di labor den nos komunidat pasombra tin hopi trahadó riba AO i sin fecha pa risibí tratamentu di kuido pa ku nan malesa.
Dor di e inkapasidat pa traha, produktividat na trabou ta bai atras paso trahadó ta malu i es mas e gastunan ta bira muchu haltu pa SVB no pa motibu di malesanan periódiko largu, sino pa falta di servisio.