Relato superfisial di konsulta di e 4 paisnan riba COHO

WILLEMSTAD – No tabatin ningun partisipashon konkreto despues dje konsulta dje kuater paisnan di Reino, ku a tuma luga ayera na Aruba. Na final dje konsulta, a tuma luga un rueda di prensa, for di kua por konklui ku durante dje konsulta no a tuma pasonan konkreto den e proseso pa e Lei di Konseso COHO. E motibu pakiko a organisá e konsulta tabata pa diskuti e resumennan dje kuater parlamentonan, despues di tratamentu dje proposishon di lei COHO. Entre otro lo mester a diskuti e pregunta ku e palamentarionan tin relashona ku e topiko.
Na komienso dje rueda di prensa, Promé minister di Aruba, Evelyne Wever-Croes, a indiká ku e tres paisnan lo traha riba un scenario komun. Esaki despues ku a resulta ku ningun dje senarionan ku e paisnan a presenta, segun kua lo por realisa e reformanan, no a haña sosten di tur partisipante.
Tur esnan ku ta presente na e reuda di prensa, Gilmar Pisas (Minister presidente di Kòrsou) Silveria Jacobs (Minister Presidente di Sint Maarten), Evelyne Wever- Croes ( Minister Presidente di Aruba), i Alexandra van Huffelen (Sekretario di Estado di Hulanda) a enfatisa ku nan tabatin bon kombersashon ku tabata fruktifero i habri. Nan no a bai den detaye dje senarionan ku a diskuti riba dje. Na augustus awor, ta kontinua ku e konsulta.
Durante dje konsulta a papia tambe tokante eliminashon dje rekorte di 12.5 % pa sektor publiko. Aruba a bai di akuerdo kana ku e kondishonnan ku Hulanda a pone. Korsou i Sint Maarten, ainda no.
Djabièrne awor, Konseho di Minister di Reino, ta dísidi si e paisnan ku ta bai di akuerdo ku e kondishonnan, ta haña lus berde pa redusi e rekorte. Den e kaso aki, ta pa Aruba so e desishon lo ta vigente. Aruba ta pensa di por kuminsa ehekutá e medidanan, na yüli awor.
Praktikamente mirá, e tardansa nobo no tin konsekuensia. Tur e tareanan ku COHO mester bai desplega, ta ehekutá kaba dor di e asina yamá:” Tijdelijke Werkorganisatie (TWO)’’, mientras ku e paisnan ta sigi kopera ku realisashon di e ‘landspakketten-nan ’. E hecho ku no tin un lei di reino, no ta un problema.