Reina Elisabeth II a enkargá Liz Truss pa forma un gobièrnu nobo

LONDRES – Liz Truss a bai serka Reina Elisabeth II na Buckingham Palace pa asina keda nombra komo prome minister di Inglatera i a dune e enkargo pa bai forma un gobièrnu nobo mas lihé ku ta posibel.
Liz Truss a aseptá e oferta di Reina Elisabeth II i a keda nombra prome minister i prome Lord di Tesoro. E seremonia aki entre Reina Elisabeth II i prome minister Liz Truss a dura dos ora na Buckingham Palace.
Debí ku Reina Elisabeth II no ta move debidamente ela kibra ku su tradishon di 70 aña di nombra un prome minister na Buckingham Palace.
Liz Truss a keda elegí djaluna pa miembronan di su partido Konservador pa sustituí Boris Johnson kende a hañe ta renunsia di su kargo na prinsipio di yüli.
Despues ku Liz Truss a kaba di keda nombra ofisialmente komo prome minister di Inglatera ela anunsiá den un rueda di prensa ku su prome mishon ta resolvé e krísis energétiko na Inglatera.