Régimen di Iran dispuesto na interkambiá presu ku Merka

TEHERAN – Nasser Kanani bosero di Ministerio di Relashonnan Eksterior na Iran a konfirmá ayera durante su rueda di prensa ku su gobiernu ta dispuesto pa interkambiá presunan ku tin enkarselá na Merka.
Nasser Kanani a splika ku representantenan di gobiernu Iraní via video conference a reuní ku representantenan di gobièrnu merikano pa asina wak kon lo por hasi e interkambio aki mas lihé ku ta posibel.
Kazem Gharibabadí sekretario di konseho hudisial di derechonan humano na Iran a duna di konosé ku tin 30 Iraní presu na Merka.
E interkambio di prizoneronan entre Iran i Merka ta kompletamente natural awor sigur debí ku e dos paisnan aki ta negoshando un akuerdo di desarme nuklear.