Rèfrinan ke akuerdo responsabilisá ku FFK

WILLEMSTAD – Kuerpo di Arbritahe no ta kontra di medidanan pa garantisa seguridat na veltnan di bala, pero e medidanan mester tin un bon base i mester ta bon delinea. Asina por konklui for di deklarashon di rèfri Danny Ruiter awe mainta den Deporte Hoyer. Danny Ruiter a bisa ku loke a pasa ayera nochi ta ku e rèfrinan no a hana oportunidat pa dirigi e Partido. Ruiter a bisa for di djasabra ku ela yega velt pa dirigi e Partido di Sentro Barber kontra di Sithoc, ela tuma nota ku a intensifiká e medidanan di kontrol na porta di FFK, ku ta ensera ku awor refrinan tambe mester somete nan mes na entre otro listramentu i kontrol.
Ruiter:’’Ora ku mi a puntra pa e base di esaki a indika ku ta un opdracht ku nan a hana di bestur i ku awendia mester somete nos tambe na kontrol. Algu ku mi mester bisa ku internashonalmente no ta usual pa refrinan Segun Ruiter, tantu e miembro di direktiva di FFK ku tabata presente i tambe e presidente di FFK, ku ela tuma kontakto telefoniko kune, a bisa, ku ta trata di un maneho di sero toleransia i instrukshon di minister. Mi a puntre kiko ta e maneho, pasobra e referinan ta eksigi pa ta kla kiko ta e base pa evita ku ta surgi malkomprendimentu. No mester lubida, segun Ruiter, ku refrinan su rol na wega di bala, ta un rol di outoridat i no un rol di hungado of miembro di direktiva. Riba velt di bala, direktiva no tin ouridat, ta refrinan ta disidi kon ta maneha un wega. Debi ku e partidonan no por a yega na un akuerdo , Danny Ruiter no a aktua. Djadumingu a lanta un diskushon sano den seno di Asosashon di Refri, kaminda a interkambiá tokante dje topiko aki Ruiter ta sigi bisa. Meskos ku Ruiter tin mas refri ku no ta kontentu ku e sistema ku a introdusi e medida.
Ayera tambe e refrinan a bai velt ayera ku ekipo, pa traha pero un bia mas, no a duna permit pa drenta, sin ku nan duna permit pa listra nan. Den un kombersashon ameno ku e presidente di FFK, ku tambe tabata presente, segun Ruiter, a palabra awe nochi 7or e refrinan ta reuni ku FFK.
Enkuanto e listramentu, Danny Ruiter ta bisa na momentu ku esaki tuma luga, ta limita entre otro libertat dje persona. E referinan no ta kontra di e medidanan, pero e mester tin un bon base i ta responsabilisa.
Kuerpo di Abritrahe ta habri pa papia ku FFK pa yega na un solushon pa e problema aki, Danny Ruiter a enfatisa.