Refineria tá habri pero ningun hende sa e fecha

WILLEMSTAD. Ya e deklarashonnan tokante reapertura di Refineria Isla ta kousando mas duda ku speransa i ultimo biaha ku e partido MFK ku ta forma koalishon ku Partido Nashonal, a bolbe hura i ‘perhurá’ a bolbe ripiti ku Refineria ta habri.
Solamente nan no por bisa ki dia ounke ku e lider politiko i promé minister a bisa ku énfasis ku e refineria tin ku habri.
E lider di frakshon di MFK den parlamento Thodé a deklará siman pasá ku ora e refineria habri Merka ta kumpra tur kos serka e refineria pero ku frontera tambe mester habri.
I al respekto, loke ta pasando ta halamentu di kakiña i tabatin asina tantu promesa ku refineria lo habri i frontera tambe, tur kos ta indiká ku e asuntunan aki ta mal stanká.
Pero MFK su lider di frakshon ta optimista ku e refineria lo habri i esei ta nifika ku 25% di nos ekonomia lo biba atrobe, tròm lo saka tròm refineria habri un kwart di nos ekonomia a habri atrobe i tròm ta saka tròm.
I kambiando di tema, Thodé a ekspresa su strañesa ku e Datacenter ku gobiernu ke habri kaminda varios servisio lo ta sentralisá, promé lo a kosta 2.5 mion florin i direpente e suma a bira 5 mion florin.
Esei ta segun Ministerio di Sociale Zaken i Thodé a pidi e minister responsabel pe Datacenter bini, pa rekonsiderá su deklarashon pasobra e no por kere ku ekspertonan a bisa ku e sentro no ta adekuado.
E ke mira un invitashon pa parlamento mes bai wak e sentro i fiha nan posishon pasobra si t’asina mas tantu e tin di bai kosta, mihó inverti e sèn den kombati pobresa of ABC Busbedrijf.