Internashonal
Recep Tayyip Erdogan a yega Rusia pa reuní ku Vladimir Putin
MOSKU – Recep Tayyip Erdogan presidente di Turkia a yega Rusia ayera pa reuní Vladímir Putin riba vários tema entre otro e gera na Ukrania, aplikashon di akuerdonan riba eksportashon di grano i e situashon na Siria.
Recep Tayyip Erdogan a biaha pa Rusia ku un delegashon di vários minister entre otro esnan enkargá ku e kartera di Eksterior, Defensa, Energia, Finansa, Agrikultura i Komersio.
Ta konosí tambe ku presidente Recep Tayyip Erdogan no ta di akuerdo mes ku e gera ku Rusia a kuminsá kontra Ukrania i ta p’esei ta sigi reuní ku Vladimir Putin pa para ku esaki.
Dmitri Peskov bosero di gobiernu di Rusia a splika ku Recep Tayyip Erdogan a logra konvensé Vladimir Putin pa laga Ukrania tambe eksportá grano manera tabata e kaso promé ku e gera a kuminsá.
Recep Tayyip Erdogan kier yega na un akuerdo ku Putin pa nan a kuminsá ku un operashon militar na parti Nort di Siria kontra milisia Kurdo ku ta un menasa serio pa Turkia.