Lokal
Reanudashon buelo direkto Air Canada pa Kòrsou for di Toronto i Montreal
WILLEMSTAD- Ofisina di Turismo di Kòrsou (CTB) ta anunsiá reinisio di Air Canada su buelonan direkto pa Kòrsou. Resientemente e aerolínea a anunsiá su skema di invierno pa Kòrsou kual ta inkluí buelonan direkto for di Toronto i tambe Montreal.
Esaki ta nifiká ku mas bishitante for di Canada por bishitá nos pais. Canada ta un merkado importante pa Kòrsou ku sigur ta mustrando potensial pa kresementu.
E skema di invierno di Air Canada ta inisiá 7 di òktober 2022 ku 2 buelo pa siman for di Toronto pa Kòrsou.
Entrante 19 di desèmber e buelonan for di Toronto lo keda oumentá na 3 biaha pa siman. Pa loke ta trata Montreal, Air Canada lo start 30 di òktober ku 1 buelo pa siman i lo dòbel esaki na 2 buelo pa siman entrante 22 di desèmber 2022.
E skema aki ta nifiká ku mas bishitante for di Canada por bishitá nos pais. Na mes momentu e rutanan aki ta brinda mas opshon di biahe pa nos pueblo lokal.
Turismo di Kòrsou ta riba bon kaminda.