Raymond Knops (COHO) ta demanda dos korant

WILLEMSTAD. Sekretario di Estado Raymond Knops, un dje figuranan politiko ulandes mas konosi i visibel di ultimo añanan riba nos islanan, ta bai entama un demanda pa difamashon i daño perwisio kontra su persona.
E dos korantnan mes a revelá ku Knops ta bai demanda nan. Ta trata di NRC i De Limburger kualnan a skirbi kos inkorekto riba e hecho ku ela kumpra un kas i a haña un trato preferensial den un kambalacha di kambio di tereno.
De Limburger i NRC a skirbi nèt un aña pasá ku e politiko di CDA i aktual miembro di partlamento a keda priviligiá pa un empresa den un negoshi kaminda politikpo a kumpra un pida tereno hasiendo un ganashi di diesmiles di Euro.
Knops a probecha di un areglo kaminda riba un tereno ku no tin destino pa traha vivienda, e areglo ta hasi eksepshon i e por traha su kas tòg.
De fakto ta trata di un kambio di tereno pa otro tereno kaminda provinsia por rekuperá e supsidio ku tin pe tipo di kambionan aki i por usa e plaka pa paga e kriadónan di porko ku tabata usa e tereno.
Segun De Limburger i NRC e empresa ku ta reparti tereno den provinsia privilegia Knops riba algun otro interesado aparte ku ela probecha pa traha un boerderij mas grandi ku regla tabata permiti.
Knops ta desmenti e akusashonnan pasobra ela paga preis di merkado pa e tereno i tamaño dje tereno ta kuadra ku loke lei ta permiti.
Knops ta bisa den su demanda ku e ta realisá ku un miembro di gabinete no mester disidi levemente pa kuminsa kaso kontra periodismo.
Pero komo ku e korantnan no ke rektifika voluntariamente ela kuminsa un prosedura di fondo pa prohibi nan di ripiti e informashon inkorekto i haña rektifikashon i daño perwisio.