Rapper DMX rekuperando levemente pero ketu bai krítiko

E konosido rapper DMX ta den estado grave di salu den hospital despues ku djabièrnè anochi a hañ’é inkonsiente pa un atake di kurason okashoná probablemente pa konsumo eksesivo di droga. DMX tabata konektá na mashin pa por hala rosea, pero ya den kurso di ayera a deskonekta esaki despues ku su kurpa a kuminsa reakshoná.
Earl Simmons, e nòmber original di e rapper, tin ya algun aña konosí pa su adikshon na droga. Na vários okashon e rapper di 50 aña a bishitá klínikanan pa kita di e adikshon pero ku tempu e la bolbe kai.