Ramon Chong ta wòrdu eligí komo segundo vice-presidente di ICCAT

WILLEMSTAD. Ministerio di Minister di Desaroyo Ekonómiko a informá ku den e di 27 reunion annual di International Convention for the Conservation of Atlantic Tunas (ICCAT) ku a tuma luga entre 12 pa 23 di Novèmber último, sr. Ramon Chong, den su kalidat komo presidente di Komishon di Peska Internashonal, na nomber di Kòrsou, a wòrdu eligí.
Reportadamente e posishon aki ta konsolidá su posishon den ICCAT pa sigui duna un aporte na desaroyo ekonómiko di peska internashonal di Kòrsou ku na su turno lo benefisia desaroyo duradero di e sektor di peska lokal di Kòrsou.
Kòrsou tin intenshonnan serio pa sigui desaroyá e industria di peskeria internashonal ekonómikamente di un manera sostenibel i responsabel.
Awor ku Kòrsou tin e segundo vise presidensia den e organisashon, esaki ta duna e posibilidat pa por logra yega na informashon, konosementu i un ‘netwerk’ mas grandi na benefisio i interes di desaroyo di peska en general. Ta di spera ku esaki lo resultá den negoshamentu di kuotanan mas grandi i asina atraé mas barku pa registrá na Kòrsou den futuro i logra generá mas entrada pa desaroyo di nos sektor di peska lokal.