Rafael Nadal: Esaki no ta mi último partido di tènis

PARIS (C) – E gran tenista Rafael Nadal despues ku ela logra gana su di 14 titulo pa loke ta Roland Garros a duna di konosé ku e final aki kontra Casper Ruud lo no ta su último partido di tènis
Ma traha duru pa mi por a keda fit pa a hunga e final.Awe mi a gana pero mi no sa kiko lo pasa kumi den futuro. Un kos ta sigur i esaki ta ku lo mi keda bringa te final
Ta basta tempu kaba e tenista tin problema ku su pia. Ta Trata aki di su pia robes.
Esaki mes a pone ku hopi hende lo a pensa ku elo stòp ku tènis.
E mester a usa inyekshonnan pa e por a hunga.
Anto ku rísiko ku e lo por kai i hasta por kore rísiko di por zwik e ènkel
Pero e torneo di Roland Garros ta keda un gran torneo i ningun hende no sa kiko a torneo aki ta nifiká p’ami i ta p’esei mi ta ke a sigi purba.
Jean Julien Rojer a logra bia kampion den dòbel.
E kurasoleño Jean Julien Rojer huntu ku Marcelo Arevalo a logra gana di e fuerte hungadónan Ivan Dodig i Austin Krajiccek kendenan a keda derota ku sètnan 6-7 i 7-6 i 6-3.
Den e wega aki e duo aki a sobrebibí tur match point i 10 breakpoint.
E momentu ku an kontrinkantenan a manera kansa e duo aki mesora a probechá di esaki
Aunke nan a haña nan ta lucha fuerte pero nan kada ratu ta saka nan kurpa
Rojer sigur ta kontentu ya ku for di dia ku Horis Tecau a stòp ku tènis e ta buska un partner pa e por sigi lucha.
Esaki a pone ku porfin ela haña e hungadó di 31 aña kende ta Arevalo di El Salvador. Esaki ta promé bia ku e ta logra final i gana
Jean Julien ta bira e hungadó di mas edat ku ta gana un grandslam den dòbel.